ဇီးကုန်း၊ စက်တင်ဘာ ၃၊ ၂၀၁၉
မိုးယံ(VOM)
ပဲခူးတိုင်း၊ သာယာဝတီ ခရိုင်၊ ဇီးကုန်းမြို့နယ်မှာ ရေကြီးရေလျှံမှုတွေကြောင့် စာသင်ကျောင်း ၁၇ ကျောင်းကုို ယာယီပိတ်လိုက်ရတယ်လို့ မြို့နယ်အထွေအထွေ အုပ်ချုပ်ရေးဦးစီးဌာနက ပြောပါတယ်။
ရေဝင်နစ်မြုပ်မှုများကြောင့် ဇီးကုန်းမြို့ပေါ်နဲ့ အနီးဝန်းကျင်က ကျေးရွာတွေမှာ ရှိတဲ့ မူလတန်းကျောင်း ၁၄ကျောင်း၊ အ.လ.က(ခွဲ)ကျောင်း ၃ကျောင်း စုစုပေါင်း ၁၇ကျောင်းကို ရေပြန်ကျတဲ့အချိန်အထိ ယာယီပိတ်ထားရတာ ဖြစ်ပါတယ်။
“ကျောင်းတွေထဲမှာ ရေတွေဝင်နေတော့ ကလေးတွေ အန္တရာယ် ရှိနိုင်တာရယ်၊ လတ်တလော စာသင်လို့ အဆင်မပြေနိုင်တာရယ်ကြောင့် ပိတ်လိုက်တာပါ။ ရေကျတာနဲ့ ပြန်ဖွင့်မှာပါ ကျောင်းဖွင့်ပြီးရင်လည်း အစားထိုးရက်တွေနဲ့ ပြန်သင်ပေးမှာပါ” လို့ မြို့နယ်အထွေထွေအုပ်ချုပ်ရေးမှူး ဦးဝင်းမြင့်က VOM ကို ပြောပါတယ်။
ဒီရက်ပိုင်း မိုးများခဲ့တာကြောင့် ဇီးကုန်းမြို့နယ် ထဲက မင်းဘူးချောင်း၊ ဘော်ဘင်ချောင်းတို့ ရေလျှံပြီး မြို့ပေါ် ရပ်ကွက်အချို့နဲ့ ကျေးရွာအချို့က လူနေအိမ်တွေ ရေဝင်ခဲ့သလို လယ်မြေဧက တထောင်ကျော် ရေမြုပ်ခဲ့တယ်သလို ဇီးကုန်း-နတ္တလင်း ရထားလမ်းကိုလည်း စက်တင်ဘာ ၂ ရက်နေ့ ည အထိ ယာယီပိတ်ခဲ့ရတယ်လို့ ဆိုပါတယ်။
ရေဝင်နစ်မြုပ်တဲ့ အရပ်တွေက အိမ်ထောင်စု နှစ်ထောင်ကျော် ရေဘေးသင့်နေတာကြောင့် ရေဘေးသင့်ပြည်သူတွေအတွက် ကယ်ဆယ်ရေးစခန်းတွေကို ဇီးကုန်းမြို့နယ်ခန်းမနဲ့ ဝက်ကော် ဘုန်းကြီးကျောင်းတို့မှာ ဖွင့်လှစ်ထားတာမှာ၊ ဝက်ကော်ကျောင်းတိုက်မှာတော့ ဝက်ကော်ရွာသစ်၊ ဝက်ကော်တာလမ်းရွာ၊ အနောက်ရှမ်းစုရွာတို့က ရေဘေးသင့်သူ ၁၀၀ ကျော် ခိုလှုံနေကြပါတယ်။
`ရွာထဲမှာလည်း တစ်ချို့နေကြတယ် ဘုန်းဘုန်း ကျောင်းမှာတော့ လုဦးရေ တစ်ရာကျော် ခိုလှုံနေကြတယ် လိုအပ်တာကတော့ အစားအသောက် တွေပေါ့။ ဒီမနက်က ဇီးကုန်းမြို့ နယ်ပြည်ထောင်စု ကြံ့ခိူင်ဖွံ့ဖြိုးရေးပါတီက ထမင်းထုပ်၊ ရေသန့်ဘူး လာလှူသွားတယ်” လို့ ကျောင်းထိုင်ဆရာတော် ဦးသီလဝံသ က မိန့်ပါတယ်။
မြို့နယ်ခန်းမက ယာယီကယ်ဆယ်ရေးစခန်းကို ပဲခူးတိုင်းဒေသကြီး အစိုးရအဖွဲ့ ကရင်တိုင်းရင်းသား ရေးရာဝန်ကြီး ဒေါ်နော်ဘွယ်ဆေး မှ ရေဘေးသင့်ပြည်သူများအတွက် ထောက်ပံ့ငွေ သိန်း တစ်ရာ့တစ်ဆယ်ကျပ် ပေးအပ်ခဲ့တယ်လို့လည်း မြို့နယ်အထွေထွေ အုပ်ချုပ်ရေးဦးစီးဌာနက ပြောပါတယ်။
“တောင်ညိုဆည် ရေပိုလွှဲကရေတွေက အရှေ့ဘက်ကိုသွားတာ။ ဇီးကုန်းမြို့ ကျတော့ ဆည်ရဲ့အပြင်ဘက် ကျပါတယ်။ ရေကြီးတာက မင်းဘူးချောင်း၊ မှော်ရချောင်း၊ ဘော်ဘင်ချောင်းတို့က ရေတွေက မိုးရေချိန်များပြီး ရေထောက်ပြီး ရေကြီးရေလျှံမှုတွေဖြစ်တာပါ။ သြဂုတ် ၃၁ရက်နေ့ တစ်ရက်တည်းမှာကို မိုးရေချိန်က ၉.၁လက္မ ရှိတယ်။ ပြည်သူတွေ ကိုလည်း ကျနော်တို့ဌာနကအချိန်နဲ့တပြေးညီ ဆည်အကြောင်းတွေကို ဖုန်းနဲ့သော်လည်းကောင်း၊ face book လူမှုစာမျက်နှာတွေက တဆင့်သော်လည်းကောင်း ထုတ်ပြန်ပေးနေပါတယ်” လို့ ဆည်မြောင်းဦးစီးဌာန ဦးစီးမှူး ဦးသက်နိုင်က ပြောပါတယ်။
ဓာတ်ပုံ – မိုးယံ (VOM)
